- 34 -

1318. Juni 29. Liegnitz.

Herzog Boleslaus verkauft seinem liegnitzer Claviger (Kämmerer) Hermann und dessen Sohn Peter ein Stück Land vor dem glogauer Thore in der Nähe des Schlosses.

In nomine domini amen. Nos Bolezlaus dei gracia dux Slesie et dominus Ligniczensis vniuersis, tam presentibus quam futuris, hujus pagine testimonio cupimus fore notum, quod de bona nostra uoluntate et nostrorum fidelium consilio de maturo vendidimus rite et racionabiliter Hermanno nostro clauigero Ligniczensi et Petro vxxoris sue filio rubetum nostrum situm juxta preurbium castri nostri Ligniczensis latitudinis inter fossata preurbii et ciuitatis usque ad obstaculum, quod wlgariter eyn wer est notatum, citra molendinum aque nigre, longitudinis uero a ponte porte Glogouiensis usque ad antiquas ortorum locaciones retro fratres minores pro sex marcis pecunie vsualis, quod quidem rubetum Hermanno et Petro predictis nostris fidelibus et eorum heredibus seu legitimis successoribus damus et concedimus eradicandum et plantandum, vendendum, conmutandum ortos, agros faciendum et in suorum usus placitos conuertendum, nullum jus et dominium advocatis hereditarijs seu prouincialibus nostris insupradicto relinquentes, sed ab omnibus exaccionibus, vexacionibus, vecturis, pecuniis monetalibus, angariis quoque perangariis ciuitatis, quocumque nomine censeantur, seu eciam curie nostre Ligniczensis libere et perpetue possidendum, condicione tamen hac adiecta, quod sepedicti nostri fideles et ipsoram posteri nobis et nostris successoribus sex mensuras ordei, nomine veri census, in festo beati Martini, annis singulis soluere teneantur. In cuius rei euidenciam pleniorem presens scriptum ipsis dari fecimus sigilli nostri munimine roboratum. Datum et actum in Lignicz anno domini millesimo CCC° decimo tercio presentibus nostris fidelibus Vincencio de Silthberc, Brumslao, militibus, Johanne Rimberg et Hartungo Kule, Lutoldo de Zlewicz, Heynrico de Ruya, Adolpho, ciuibus nostris Ligniczensibus et Petro nostro capellano, cuius manibus in die apostolorum Petri et Pauli presencia sunt conscripta.

O. d. St. L., No. 12. Das grosse Siegel an Schnüren von grüner Seide.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866